* نەوژین
شەهێن جەهانگیری، کە ژنێکی کوردی دانیشتوی شاری ورمێیە، دەبێتە پارلەمانتار لە پارلەمانی ئێران.
ماڵپەڕی ئێرنا بڵاویکردوەتەوە: بەگوێرەی راگەیاندنی بارەگای هەڵبژاردنی ئازەربایجانی رۆژئاوا، ژنێکی کوردی دانیشتوی شاری ورمێ بەناوی شەهێن جەهانگیری، (١١٧ هەزار و ٧٨٦) دەنگی بەدەستهێناوە و بەو پێیەش کورسیەکی لە پارلەمانی ئێران مسۆگەرکردوە.
دەشڵێت: شەهێن دوەم زۆرترین دەنگی لەکۆی هەمو کاندیدەکانی شارەکە بەدەستهێناوە.
دوێنێ هەینی (١ـی ئادار)، دوانزه‌یه‌مین خولی هه‌ڵبژاردنی پا‌رله‌مانی ئێران بەڕێوەچو، ٦١ ملیۆن كەس مافی دەنگدانیان هەبو، کە لەو ژمارەیە (٣٠ ملیۆن و ٢٢٧ هه‌زار و ١٦٥)ـیان ژن بون.