قەڵادزێ: کەسێک بە تۆمەتی ھەڕەشەی بڵاوکردنەوەی وێنە و ڤیدیۆی تایبەتی ژنان دەستگیرکرا

2023/09/26    342 جار بینراوە

 

* نەوژین

پۆلیسی راپەڕین رایدەگەیەنێت لەسەر سکاڵای ژنێک تۆمەتبارێکیان دەستگیرکردوە کە هەڕەشەی بڵاوکردنەوەی وێنە و ڤیدۆی لە ژنان کردوە.

بەڕێوەبەرایەتی پۆلیسی راپەڕین رایگەیاند: لە قەزای قەڵادزێ و لەسەر سکاڵای ژنێک تۆمەتبارێکمان دەستگیرکردوە کە هەڕەشەی کردوە کەوا وێنە و ڤیدیۆی ژنەکە بڵاودەکاتەوە.

رایشیگەیاند: تۆمەتبار دوای لێکۆڵینەوە لەگەڵیدا دانی بە تاوەنەکەیدا ناوە و بەوتەی خۆی لەبەرامبەر وەرگرتنی بڕێک پارە هەڕەشەی لەو ژنە کردوە ئەگەر پارەکەی پێنەدات ئەوا وێنە و ڤیدیۆکانی بڵاو دەکاتەوە.

ئاشکرایشیکرد: لە ئێستا دا تۆمەتبار بە بڕیاری دادوەر و بە ماددەی ٢ له یاسایی خراپ بەکارهێنانی ئامێرەکانی پەیوەندیکردن راگیرکراوە، هەروەک تۆمەتبار بە هەمان ماددە پێشینەی هەیە لە بنکەی پۆلیسی راپەڕین لە شاری سلێمانی.



Newjin.net - 2024
ژمارەی سەردان 1,472,823     ژمارەی میوان 966

دروستکراوە لەلایەن کۆمپانیای (کۆدتێك)ەوە