سەرۆکی شارەوانی هەڵەبجە: دەستم لەکار نەکێشاوەتەوە

2022/10/24    450 جار بینراوە


* نەوژین

سەرۆکی شارەوانی هەڵەبجە رەتیدەکاتەوە دەستی لەکار کێشابێتەوە و دەڵێت: لەداهاتودا رونکردنەوە لەبارەی هەمو شتێكه‌وه‌ دەدەم.

دوای بڵاوبونەوەی دەنگۆی دەست لەکارکێشانەوەی سەرۆکی شارەوانی هەڵەبجە و دیاریکردنی جێگرەکەی وەک سەرۆک شارەوانی بەبیانوی ئەوەی کەمتەرخەم بوە بەرامبەر زێدەڕۆیی لەسەر زەوی و موڵکی گشتی، ئەو لەرێگەی نەوژینەوە دەنگۆکان رەتدەکاتەوە.

کوێستان ئەکرەم، سەرۆکی شارەوانی هەڵەبجە، بە نەوژینی راگەیاند: دەستم لەکار نەکیشاوەتە و ئەو دەنگۆیانەی باس لە دەست لەکارکێشانەوەم دەکەن دورن لەراستیەوە.

وتیشی: "تەنانەت ئەمڕۆش لەشوێنی خۆم دەوامم کردوە".

هەروەک سەرۆکی شارەوانی هەڵەبجە ئاماژەی بەوەشکرد: لە ئێستادا هیچ رونکردنەوەیەک نادەم، بەڵام لەداهاتودا رونکردنەوەی خۆمم لەمبارەیەوە دەبێت.

کوێستان ئەکرەم، ماوەی ٦ ساڵە پۆستی سەرۆکی شارەوانی هەڵەبجەی شه‌هیدی پێسپێردراوە و لە (٢٧ـی ئەیلول) بەبیانوی ئەوەی گوایە رێکاری توندی بەرامبەر زێدەڕۆیی لەسەر زەوی و موڵکی گشتی نەگرتوەتە بەر بۆ ماوەیەک لە بەڕێوبەرایەتی پۆلیسی هەڵەبجە راگیرا، بەڵام دواتر ئازادکرا.

 

 



Newjin.net - 2024
ژمارەی سەردان 1,305,691     ژمارەی میوان 540

دروستکراوە لەلایەن کۆمپانیای (کۆدتێك)ەوە