* نەوژین
وەزارەتی رۆشنبیری و لاوان و پارێزگای هەولێر، بڕوانامەی رێزلێنانی بەخشیە یەکەم ئافرەتی شاری هەولێر، کە دەرچوی ئەکادیمیای هونەرە جوانەکانی بەغدا- بەشی شێوەکارییە، و زیاتر لە 50 ساڵە خزمەت بە پەروەردە و هونەر دەکات.
فەرهەنگ غەفور، بەڕێوەبەری گشتی رۆشنبیری و هونەری هەولێر، لە ماڵەوە سـەردانی هونەرمەندی شێوەکاری دێرینی هەولێر، خاتو 'نەسرین خدر مەرجان'یان کرد، لە بەرامبەر ئەو ئەزمون و بەخششەی هەیەتی وەک یەکەم ئافرەتی هەولێر، کە دەرچوی ئەکادیمیای هونەرە جوانەکانی بەغدا- بەشی شێوەکارییە، بڕوانامەی رێزلێنانی بەڕێوەبەرایەتی گشتی رۆشنبیری و هونەری هەولێریان پێشکەش کرد و هیوای تەمەندرێژی و سەرکەوتنیان بۆ خواست، کە تا هەنوکەش لە کارە هونەرییەکانی هەر بەردەوامە.
هەروەک بڕوانامەی رێزلێنانی هەریەکە لە پارێزگای هەولێر و وەزارەتی رۆشنبیرییان گەیاندە دەست مامۆستا نەسرین مەرجان.
نەسرین مەرجان، لە ساڵی 1975 بڕوانامەی لە پەیمانگای هونەرە جوانەکانی بەغدا، بەشی شێوەکاری وەرگرتوە. لە بواری هونەری و پەروەردەییدا لەماوەی ئەو پەنجا ساڵەیەدا، رۆڵێکی باشی لە شاری هەولێردا هەبوە و چالاکییە هونەرییەکانیشی تائێستا هەر بەردەوامن.
ماڵی خانمە شێوەکار نەسرین مەرجان، هەولێر، لە کاتی پێشکەشکردنی رێزلێنان وێنە: لانە نەوزاد