* نەوژین
پێنج ژنە ئەكادیمی كە خاوەنی بڕوانامەی دكتۆران لەبواری ئەدەبی كوردی، پێنج کتێبی ئەكادیمی لەبواری فەلسەفە و شێوازی ئەدەبی كوردی چاپ و بڵاودەكەنەوە.
دوێنێ دوشەممە (٢٤ـی شوبات)، لە هۆڵی رۆشنبیری لە شاری هەولێر، مەراسیمی ناساندن و واژۆكردنی پێنج کتێب کرا کە لەلایەن پێنج ژنی خاوەن بڕوانامەی دکتۆراوە نوسراون.
کتێبەکان بریتیبون لە: 'بنەما فەلسەفییەكانی شیعری نوێخوازیی كوردی' كە لەلایەن د. شەرمین ئیبراهیم، مامۆستای زانكۆ نوسراوە، کتێبی 'رەخنەی تێماتیكی - تیۆر و پڕاكتیك' كە لەلایەن د. نەسرین رەئوف، کتێبی 'میتاگێرانەوە لە رۆمانەكانی عەبدوڵڵا سەراجدا' كە لەلایەن د. روناك سەڵاح نوسراوە،
هەروەها کتێبی ‘فۆڕمەكانی شیعری هاوچەرخی كوردی لە باشوری كوردستان’، کەلەلایەن د. پەروین عەبدوڵڵا و کتێبی ‘شێوازەكانی شیعری ئەسیری لەژێر رۆشنایی قوتابخانەی چارڵس بالی ـدا’ بە پێنوسی د. دونیا شەهاب.