* نەوژین
لە سلێمانی کتێبێک کە لە سەرجەم گۆشە و نوسینەکانی هێرۆ ئیبراهیم ئەحمەد پێکدێت لە گۆڤاری خاک، بڵاوکرایەوە.
ئەمڕۆ پێنجشەممە (١٣ـی شوبات) لە مەراسیمێک دا لە شاری سلێمانی، کتێبی "بەکورتی" لە نوسینی؛ هێرۆ ئیبراهیم ئەحمەد بڵاوکرایەوە.
کتێبەکە لەلایەن ئاکۆ غەریبەوە ئامادەکراوە و پێکدێت لە سەرجەم گۆشە و نوسینەکانی خاتو هێرۆ ئیبراهیم ئەحمەد کە لە ماوەکانی رابردو لە گۆڤاری خاک بڵاویکردبونەوە.
تێیدا هەمو لایەنەکانی کۆمەڵایەتی، سیاسی، سەردەمی شاخ و شار، ژیانی تایبەتی و چەند ئەزمونێکی دیکەی ئەو خانمە باسدەکرێت.
هێرۆ ئیبراهیم ئەحمەد، خانمە نوسەر و سیاسەتوانێکی کوردە، هاوسەری جەلال تاڵەبانی سەرۆککۆماری پێشوتری عێراق بوە و کچی هەریەکە لە نوسەران ئیبراهیم ئەحمەد و گەلاوێژە.