* نەوژین – سروە حەمەئەمین، کوردە ئەحمەد
چالاکوانێکی داکۆکیکار لە مافەکانی ژنان دەڵێت: رێکخراوەکانی ژنان سەدان ژنیان لە کوشتن رزگارکردوە، کەچی لە بەرامبەردا روبەڕوی هێرشی ناڕەواو هەڕەشەبونەتەوە.
ڤیان سابر، چالاکوانی بواری مافەکانی ژنان بە نەوژینی رایگەیاند: رێکخراوەکانی ژنان رۆڵی خۆیان بینیوە لە کەمکردنەوەی توندوتیژی دژ بە ژنان لەسەر بنەمای جێندەری، بونیان زۆرگرنگە چونکە خۆیان ژنانی ناو کۆمەڵگاکەن باشتر لە کێشەکانی ژنان تێدەگەن.
ئەو دەشڵێت: ”تا ئیستا دەیان و سەدان ژن و کچ لە ھەرەشەی کوشتن رزگارکراون لەلایەن رێکخراوەکانی ژنانەوە، لە بەرامبەر ئەوەشدا روبەڕوی ھێرشی ناڕەواو ھەڕەشە بونەتەوە، بەڵام ئەمە نەبوە بەھۆکارێک بۆ وازھێنانمان لەو خەباتە پیرۆزە کە داکۆکی کردنە لە قەزێکانی ژنان“.