* نەوژین

ئەنجامی سەرژمێریی گشتیی عێراق بڵاوکرایەوە و بەپێی دەرەنجامەکانی ژمارەی ژنان لە عێراق کەمترە بەراورد بەپیاوان، هەروەک زۆرینەی کچان لەتەمەنی ٢٠ ساڵی هاوسەرگیریی دەکەن.

ئەمڕۆ دوشەممە (٢٤ـی شوبات)، محەمەد شیاع سودانى، سەرۆک وەزیرانى عێراق ئەنجامى بەرایی سەرژمێرى گشتیی دانیشتوانى عێراقی بڵاوکردەوە.

بەپێی ئەنجامی سەرژمێریەکە، ژمارەی دانیشتوانی عێراق بە هەرێمی کوردستانیشەوە، ٤٦ ملیۆن و ١١٨ هەزار و ٧٩٣ کەسە، لەم ژمارەیە، ٤٩.٧٪ـیان لە رەگەزی مێ و ٥٠.٢٪ـیان لە رەگەزی نێرن.

کچانی عێراق زۆرترینیان لەتەمەنی ٢٠ ساڵی و کوڕان لەتەمەنی ٢٣ ساڵی هاوسەرگیریی دەکەن.

ژمارەی دابەشبونى رێژەی خوێندن بەگوێرەى قۆناغەکانى خوێندنى (سەرەتایی-ناوەندی)، ٤٨.٥٪ـی فێرخوازەکانی ئەم ئاستە مێـن و ٥١.٥٪ـیان لە رەگەزی نێرن.

لە ٢٠ بۆ ٢٢ـی تشرینی دوەمی ساڵی ٢٠٢٤، لە عێراق سەرژمێریی گشتیی کرا، تێیدا تۆماری تاک و خێزانەکان ئامادەکران و تاوەکو ١٠ـی کانونی دوەمی ٢٠٢٤ فۆڕمی تۆماری خێزان پڕکرایەوە