لە هەڵەبجە ژنێک سوتا

2024/07/20    176 جار بینراوە


* نەوژین

لە هەڵەبجە ژنێک لەنێو ماڵەکەی سوتا و بەهۆیەوە بریندارە، پۆلیسیش دەڵێت: بەپێی لێکۆڵینەوە سەرەتاییەکان ئاگری لە جەستەی خۆی بەرداوە.

بەرزان عوسمان، وتەبێژی بەڕێوبەرایەتی پۆلیسی هەڵەبجە، بە نەوژینی راگەیاند: کەمێک بەر لە ئێستا ژنێکی تەمەن ٣١ ساڵ بەناوی (چ. س. ک)، لەماڵەکەی خۆی سوتا.

رونیکردەوە: بەپێی لێکۆڵینەوە سەرەتاییەکان، دەرکەوتوە ئەو ژنە خۆی ئاگری لە جەستەی بەرداوە و بەهۆیەوە بەشێکی جەستەی سوتاوە.

ئاشکرایشیکرد: لەئێستا دا بەهۆی زۆری رێژەی سوتاوییەکەی رەوانەی نەخۆشخانەی فریاکەوتنی سلێمانی کراوە، هەروەک پەڕاوی لێکۆڵینەوە بۆ روداوەکە کراوەتەوە.

ئەمە یەکەم حاڵەتی سوتانی ژنانە لەمساڵدا کە لە سنوری پارێزگای هەڵەبجە تۆماردەکرێت



Newjin.net - 2024
ژمارەی سەردان 1,760,365     ژمارەی میوان 1811

دروستکراوە لەلایەن کۆمپانیای (کۆدتێك)ەوە