* نەوژین
پۆلیسی سلێمانی رایدەگەیەنێت: تۆمەتبارێکیان دەستگیرکردوە کە کە بەبیانوی هاوسەرگیریی هەشت هەزار دۆلار و بڕێک ئاڵتونی لە کچێک سەندوە.
بەڕێوەبەرایەتی پۆلیسی پارێزگای سلێمانی لە راگەیەندراوێکدا رایگەیاند: لەسەر سكاڵای كچێك، تۆمەتبارێك لەلایەن بنكەی پۆلیسی راپەڕینەوە دەستگیركراوە کەوا کچەکەی فریوداوە.
رونیشیکردوەتەوە: تۆمەتبارەکە بەناوی خوازراو و بەبەكارهێنانی هەژماری ساختە لەتۆڕی کۆمەڵایەتی و بەبیانوی هاوسەرگیری هەشت هەزار دۆلار و بڕێك ئاڵتونی لە سكاڵاكار سەندوە.
ئاشکرایشیکرد: لەکاتی دەستگیرکردنی تۆمەتبار دا دەستگیراوە بەسەر بڕێك پارەدا كە بە تۆمەتبار بوە، هەروەک لە ئێستادا تۆمەتبار (ه، أ، ح. لەدایكبوی ساڵی ١٩٨٥ ) بەبڕیاری دادوەر و بەپێی ماددەی ٤٥٦ لەیاسای سزادانی عیراقی کە تایبەتە بە فریودانی خەڵک و وەرگرتنی پارە لێیان، راگیراوەو دانی بەتاوانەكەیدا ناوە.