* نەوژین

کیرستی کۆڤێنتری، ٤١ ساڵ، لە میانی دەنگدانێکی نهێنی دا، دوێنێ پێنجشەممە، لە ١٤٤ـەمین دانیشتنی کۆمیتەی ئۆڵۆمپی جیهانی وەک سەرۆکی لیژنەی ئۆڵۆمپیەکە بۆماوەی هەشت ساڵ هەڵبژێردرا و بڕیارە رۆژی ١٥ـی حوزەیرانی ئەمساڵ دەستبەکاربێت.

کۆڤێنتری، لە ساڵی ١٩٨٣ لە وڵاتی تازە سەربەخۆی زیمبابۆ لە کیشوەری ئەفریقا لەدایکبوە، ئەو دەبێتە یەکەم ژن و یەکەم ئەفریقی کە پۆستی سەرۆکی لیژنەی ئۆڵۆمپی نێودەوڵەتی بەدەستهێنابێت، لەکاتی هەڵبژاردنی وتی: ئەمە ساتێکی نائاساییە، کاتێک کچێکی تەمەن نۆ ساڵان بوم، هەرگیز بە خەیاڵم دا نەدەهات کە رۆژێک لێرە بوەستم و ئەم کارەم پێ بسپێردرێت.

لەکاتی دەنگدانەکە شەش پیاوی دیکە کاندید و رکابەری کۆڤێنتری بون، بەڵام ئەو وەک تاکە ژنە کاندید توانی سەرکەوتن بەسەر هەمویان بەدەستبهێنێت.

کۆڤێنتری، لە تەمەنێکی بچوکەوە یاریزانی مەلەوانی بوە، یەکەمجار کە بەشداری لە ئۆڵۆپمیاد کرد تەمەنی تەنها ١٧ ساڵ بو، کاتێک بۆ جارەکانی دوەم و سێیەم بەشداری کرد لە ساڵانی ٢٠٠٤ و ٢٠٠٨ توانی لە مەلاوانی ٢٠٠ مەتر نازناوی زێڕین بەدەستبهێنێت.

لیژنەی ئۆڵۆمپیادی جیهانی، بارەگای سەرەکی لە شاری لۆزانە لە سویسرا، کاری سەرەکی ئەنجامدانی ئۆڵۆمپی جیهانییە چوار ساڵ جارێک، هەروەها ئۆڵۆمپیاتی ساڵانە لە وەرزی زستان و ھاویندا.