* نەوژین
ژنێکی تەمەن ٣٧ ساڵ، بە سەرۆک وەزیرانی وڵاتی تایلەند هەڵبژێردرا، بەوەش دەبێتە گەنجترین سەرۆک وەزیران لە مێژویی وڵاتەکە.
پایتۆنگتارن شیناواترا، کە ژنە سیاسەتمەدار و بازرگانێکی تایلەندییە، بە سەرۆک وەزیرانی نوێی وڵاتەکە دیاریکرا، بەوەش شیناواترا بو بە گەنجترین سەرۆک لەمێژویی وڵاتەکە و هاوکات دوەم ژن لە مێژو دا کە ئەو پۆستەی پێسپێردرابێت.
سیستمی سیاسیی تایلەند پادشایەتیی دەستورییە، سەرۆک وەزیران لەلایەن پارلەمانەوە هەڵدەبژێردرێت، شیناواترا بە ٣١٩ دەنگی بەڵێ لەبەرامبەر بە ١٤٥ دەنگی نەخێر هەڵبژێردرا.
لەدوای وەرگرتنی پۆستەکە، شیناواترا وتی: هیوادارم بتوانم وا بکەم خەڵک متمانەیان بە خۆیان هەبێت و کوالێتیی ژیانی هەمو تایلەندییەکان باشتر و بەهێزتر بکەم.