* نەوژین

پۆلیسی راپەڕین دەڵێت: کچێکی تەمەن ٢٣ ساڵ بە خنکاوی لەنێو پاشاوی قوڕەگۆ دۆزراوەتەوە، کەسوکارەکەیشی دەڵێن: روداوەکە "خۆکوژی" بوە.

پۆلیسی راپەڕین بڵاویکردوەتە: ئێوارەی دوێنێ (٢٠ـی تەموز) هێزەکانمان لە بەشی پۆلیسی فریاکەوتنی راپەڕین، ئاگادارکرانەوە لە بونی تەرمی کچێک بەناوی (لا، هـ، ع) لە دایکبوی ساڵی ۲۰۰۱، دانیشتوی رانیە/ گەڕەکی کێوەڕەش.

دەشڵێت: بە وتەی کەسوکارەکەی، کچەکە بەتەنها رۆیشتوەتە نزیك گوندی قوڕەگۆ، لەوێش خۆی خستوەتە نێو پاشاوی قوڕەگۆ و  بەو هۆیەوە خنکاوە.

پۆلیس ئاشکرایشیکردوە: لەکاتی ئیفادەدا کەسوکاری کچەکە ئاماژەیان بەوەکردوە، کچەکەیان باری دەرونیی جێگیر نەبوە. 

دەشڵێت: تەرمی کچەکە رەوانەی پزیشکی دادی رانیە کراوە و دوای ئەنجامدانی پشکنینی توێکاریی، رادەستی کەسوکاری کراوەتەوە، هەروەک پەڕاوی لێکۆڵینەوە بۆ روداوەکە کراوەتەوە و لێکۆڵینەوە لە چۆنیەتی روداوەکە دەکرێت.