پسپۆڕێکی نەشتەرگەریی گشتی: ٧٠%ـی ژنانی عێراق گرێی رژێن (غودە)ـیان هەیە

2024/07/04    144 جار بینراوە


* نەوژین

پسپۆڕێکی نەشتەرگەریی گشتی ئاشکرایدەکات، ٧٠%ـی ژنانی عێراق گرێی رژێن (غودە)ـیان هەیە و شێرپەنجەی غودە لەنێو ژنان بەردەوام لە بەرزبونەوەدایە.

دوێنێ کۆنگرەی رژێن لە رۆژهەڵاتی ناوەڕاست لە شاری سلێمانی بەڕێوەچو و تێیدا جەخت لە کێشەکانی رژێن و چارەسەرە نوێیەکانی کرا.

لەمیانی کۆنگرەکە دا، د. عەبدولواحید محەمەد، پسپۆڕی نەشتەرگەریی گشتی، رایگەیاند: ئەم نەخۆشیە لەنێو هاوڵاتییان زۆر بەربڵاو بوە، ئێستا لە عێراق ٧٠٪ـی ژنان و ٤٠٪ـی پیاوان گرێی 'رژێن'ـیان هەیە.

رایشیگەیاند: ساڵانە ژمارەی توشبوانی کێشەکانی رژێن بەتایبەت شێرپەنجەی رژێن لەنێو ژنان لە زیادبوندایە.
 
جەختیشیکردەوە: چارەسەری سەرەکی پشکنینی پێشوەختەیە، ئەگەر زو پشکنین بۆ شێرپەنجەکە بکرێت، ئەوا زو چارەسەریش دەکرێت.
 



Newjin.net - 2024
ژمارەی سەردان 1,542,744     ژمارەی میوان 1250

دروستکراوە لەلایەن کۆمپانیای (کۆدتێك)ەوە