* نەوژین
لە ناحییەیەکی سەر بە ئیدارەی گەرمیان، ژنێک بە خنکان گیانی لەدەستدا و بەوتەی سەرچاوەیەکیش حاڵەتەکە خۆکوژی بوە.
سەرچاوەیەکی ئاگادار بە نەوژینی وت: دوانیوەڕۆی ئەمڕۆ ژنێک کە تەمەنی نزیکەی ٦٠ ساڵ دەبێت و دانیشتوی ناحیەی سەرقەڵای سەر بە کفرییە، بە مردویی گەیەنراوەتە نەخۆشخانەی فریاکەوتنی کەلار.
رونیشیکردەوە: ژنەکە بە خنکان گیانی لەدەستداوە و بەوتەی کەسوکارەکەیشی، ژنەکە خۆی هەڵواسیوە و بەوهۆیەوە گیانی لەدەستداوە.
وتیشی: پۆلیس پەڕاوی لێکۆڵینەوەی لە روداوەکە کردوەتەوە و تەرمەکەش بۆ توێکاریی نێردراوە بۆ پزیشکیی دادوەریی.