لە فیستیڤاڵەکەی کەلار رێژەی ژنان لەپیاوان زیاترە

2023/11/16    528 جار بینراوە

 

* نەوژین

ئەمڕۆ دەستپێکی یەکەم رۆژی فیستیڤاڵی بازاڕ بو لە کەلار، سەرپەرشتیاری فیستیڤاڵەکەش دەڵێت: رێژەی بەشداری ژنان لە پیاوان زیاترە.

ئەمڕۆ (١٦ـی تشرینی دوەم) چوارەمین فیستیڤاڵی بازاڕ لە قەزای کەلار کرایەوە و بڕیارە بۆ ماوەی شەش رۆژ بەردەوامی هەبێت. 

لە فیستیڤاڵەکە بە نزیکەیی (٤٠٠) خاوەنکار و کۆمپانیا لەنێو (٣١٥) کۆشک نمایشی کارەکانیان دەکەن.

لەبارەی بەشداری ژنان لە فیستیڤاڵەکە عومەر نەجم، سەرپەرشتیاری فیستیڤاڵەکە بە نەژینی وت: بەشداری ژنان بۆ ئەمساڵ بەراورد بە ساڵانی رابردو زیادیکردوە، بەشێوەیەک نیوە زیاتری بەشداربوان ژنن.

وتیشی: ژنان زیاتر بە کاری دەستی و بەرهەمی خۆماڵی بەشدارن، لەگەڵ ئەوەش دا بەشێکی زۆریان لەگەڵ کۆمپانیاکان بەشداریانکردوە.



Newjin.net - 2024
ژمارەی سەردان 1,421,934     ژمارەی میوان 434

دروستکراوە لەلایەن کۆمپانیای (کۆدتێك)ەوە