کچە دەرهێنەرێکی کورد دەبێتە براوەی خەڵاتی نێودەوڵەتی سیرکا

2023/10/16    353 جار بینراوە

 

* نەوژین

کچە دەرهێنەرێکی بەڕەچەڵەک کورد، لەبەرامبەر دەرهێنانی فیلمێک دەربارەی باکوری کوردستان، بوە براوەی خەڵاتی نێودەوڵەتی سیرکای ٢٠٢٣.

جەمیلە شاهین، کچێکی بە رەچەڵەک خەڵکی دێرسمی باکوری کوردستانە و هاوڵاتیەکی ئەڵمانیە، لە مەراسیمێک دا لە لەندەنی پایتەختی بەریتانیا خەڵاتی سیرکای بۆ ساڵی ٢٠٢٣ پێ بەخشرا.

جەمیلە، خەڵاتەکەی لە بەرامبەر بەرهەمهێنانی فیلمێک بەناوی (چوار هۆنراوە بۆ باوکم - بەهار) کە باس لە کاریگەریی خراپی پڕۆژەیەکی بەنداوەکانی باکوری کوردستان لەسەر ژیانی خەڵک دەکات، بەدەستهێناوە. 

فیلمەکە باس لە چیرۆکی خێزانێکی کورد دەکات، کە لەنێوان پاریس و ئەستەنبوڵ دا دابەشبون و ژیانیان کەوتوەتە ژێر کاریگەریی پرۆژەی بەنداوەکانی باشوری رۆژهەڵاتی ئەنادۆڵ کە بوەتە هۆی چۆڵبون و ژێرئاوکەوتنی بەشێک لە گوندەکانی باکوری کوردستان.

خەڵاتی سیرکا خەڵاتێکی نێودەوڵەتیە، ساڵانە دەبەخشرێت بە داهێنەرانی بواری هونەر و ئەدەب، بۆ ئەمساڵ هەزار بەرهەم لە سەرانسەری جیهانەوە پاڵێوراوبون بۆ بردنەوەی خەڵاتەکە.
 



Newjin.net - 2024
ژمارەی سەردان 1,472,670     ژمارەی میوان 811

دروستکراوە لەلایەن کۆمپانیای (کۆدتێك)ەوە