شارا: تابلۆکانم باس لە 'گەڕان بەدوای شوناس دا’ دەکەن

2023/02/27    997 جار بینراوە

 

*نەوژین

شارا لە پێشانگایەکی شێوەکاریدا لە ھەولێر، نمایشی چەند تابلۆیەکی هونەری دەکات، دەشڵێت: تابلۆکانم باس لە 'گەڕان بەدوای شوناس دا’، دەکەن.

خانمە شێوەکار: شارا رەشید بە نەوژینی راگەیاند: لەمیانی پێشەنگایەکی هونەری دا لە شاری هەولێر نمایشی بەشێک لە کارە هونەریەکانم کە ژمارەیان ٢٥ تابلۆیە بە ناونیشانی 'گەڕان بەدوای شوناسدا’، دەکەم.

وتیشی: تابلۆکان گوزارشت لە دۆخی ئەو مرۆڤانە دەکەن کە لە ژێر فشاری جەستەیی و دەرونیدان و لەدۆخی ونبوندان بە هۆکاری جیاواز.

شارا رەشید، ماوەی ٢٩ ساڵە کاری هونەری دەکات، خاوەنی سێ پێشەنگای تایبەت بە خۆیەتی، لەگەڵ ئەوەدا وەرگێڕانی بۆ ٧ کتێب لە زمانی عەرەبیەوە بۆ کوردی کردوە، خاوەنی دیوانێکی شیعریشە.

پێشانگەکە ئێوارەی رۆژی شەممە (25ـی شوباتی 2023) لە چوارچێوەی چالاکییەکانی پڕۆژەی 'ھێلان' کراوەتەوە و بۆ ماوەی ١٠ رۆژ بەردەوام دەبێت.

پڕۆژەی ھێلان لە ساڵی 2021ـەوە بۆ چالاکی ھونەری و کولتوری و پاڵپشتی ھونەرمەندانی باشوری کوردستان و عێراق دەستیپێکردوە.



Newjin.net - 2024
ژمارەی سەردان 1,472,583     ژمارەی میوان 729

دروستکراوە لەلایەن کۆمپانیای (کۆدتێك)ەوە