گه‌رمیان: سكاڵا تۆماركردنى ژنان كه‌میكردوه‌ و خۆكوشتن و ده‌ستدرێژی زیادی كردوه‌

2022/11/27    446 جار بینراوە

 

* نه‌وژین

له‌مساڵدا حاڵه‌ته‌كانى كوشتنى ژنان له‌ گه‌رمیان وه‌ك ساڵی پاره‌، سكاڵاكردن له‌باره‌ى توندوتیژییه‌وه‌ له‌لایه‌ن ژنان كه‌میكردوه‌، به‌ڵام حاڵه‌ته‌كانى خۆكوشتنى ژنان و ده‌ستدرێژی سێكسی زیادی كردوه‌.

نەقیب ئەیوب حسێن، وتەبێژی بەرێو بەرایەتی بەرەنگار بونەوەی توندوتیژی دژی ژنان و خێزان لەگەرمیان، له‌ میانه‌ى به‌رنامه‌یه‌كى تایبه‌ت به‌ هه‌ڵمه‌تى هه‌فته‌ى به‌ره‌نگاربونه‌وه‌ى توندوتیژى دژى ژنان له‌ رادیۆى ده‌نگ، باسى له‌وه‌كرد: "به‌پێى ئه‌و ئامارو داتایه‌ى كه‌ له‌به‌رده‌ستدان له‌ ماوه‌ى 11 مانگى ئه‌مساڵدا ته‌نها 1 حاڵه‌تى كوشتن له‌ سنورى گه‌رمیان تۆماركراوه‌".

وتیشى: ئه‌مه‌ش به‌راورد به‌ پار ساڵ حاڵه‌ته‌كه‌ وه‌كخۆى ماوه‌ته‌وه‌.

جه‌ختى له‌وه‌شكرده‌وه‌: بەپێی ئامارەکان و بەپێچەوانەی پار ساڵ سکاڵاکردن کەمی کردوە، به‌ڵام  لەبەرامبەردا حاڵەته‌كانى خۆکوشتنی ژنان و سوتان و ده‌ستدرێژى سێكسى زیادى كردوه‌.

 

 



Newjin.net - 2024
ژمارەی سەردان 1,306,176     ژمارەی میوان 742

دروستکراوە لەلایەن کۆمپانیای (کۆدتێك)ەوە