لەهەولێر پیاوێک خۆی و ژنەکەی بە چەقۆ کوشت

2022/07/15    118 جار بینراوە
 
* نەوژین
 
پۆلیسی هەولێر رایدەگەیەنێت دو هاوسەر ئەمڕۆ بە چەقۆ یەکتریان کوشتوە، وردەکاری روداوەکەش بە ناڕونی ماوەتەوە.
 
بەپێی راگەیەنراوێکی بەڕێوبەرایەتی پۆلیسی پارێزگای هەولێر، ئەمڕۆ (١٥ـی تەموزی ٢٠٢٢) ئاگادار کراونەتەوە لە بونی٢ تەرم لە کۆمەڵگای شاوێس، دوای گەیشتنی هێزەکانمان دەرکەوت کەوا دو هاوسەر بەناوەکانی (نیهاد سەعید مستەفا) و (ئیخڵاس فازڵ خورشید) بە چەقۆ کوژراون.
 
ئاماژە بەوەدەکات لە لێکۆڵینەوە سەرەتاییەکان دەرکەوتوە هەردوکیان لەسەر کێشەیەک بوەتە دەمەقاڵیان و پیاوەکە بەچەقۆ لە ژنەکەی داوە و هاوکات چەقۆکە بەر رانی خۆی کەوتوە و توشی خوێنبەربون هاتوە و لەشوێنی روداوەکەدا هەردوکیان گیانیان لەدەست داوە.
 
باس لەوەشدەکات سەرقاڵی لێکۆڵینەوەن بۆ گەیشتن بە هۆکاری راستەقینەی روداوەکە و “لە ئایندەیەکی نزیکدا زانیاری زیاتر دەخەینەڕو”.


ئەرشیفی نەوژین | دەربارە | پەیوەندی
Newjin.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 628,074     ژمارەی میوان 41