هه‌ولێر: كچێك خۆی له‌ باڵه‌خانه‌یه‌ك هه‌ڵدایه‌ خواره‌وه‌ و گیانى سپارد

2022/04/21    211 جار بینراوە
 
* نه‌وژین
 
كچه‌ فێرخوازێكى په‌یمانگا له‌ باڵه‌خانه‌یه‌كى شاری هه‌ولێر خۆی هه‌ڵدایه‌ خواره‌وه‌ و گیانى له‌ده‌ستدا.
 
وته‌بێژی پۆلیسی هه‌ولێر، ھۆگر عەزیز، له‌ كۆنگره‌یه‌كى رۆژنامه‌وانى دا ئاشكراى كرد: دوانیوه‌ڕۆی ئه‌مڕۆ پێنجشه‌مه‌، كچێك به‌ناوى (ئاریا محه‌مه‌د خه‌لیل) له‌ باڵه‌خانه‌یه‌كى ته‌واونه‌كراوى شاره‌كه‌ له‌سه‌ر رێگاى هه‌ولێر- كه‌ركوك خۆی فڕێداوه‌ته‌ خواره‌وه‌ و به‌وهۆیه‌وه‌ ده‌ستبه‌جێ گیانى له‌ده‌ستداوه‌.
 
رونیشیكرده‌وه‌: كچه‌كه‌ ته‌مه‌نى 21 ساڵه‌ و  فێرخوازی په‌یمانگاى ته‌كینیكی هه‌ولێر به‌شى كتێبخانه‌ و زانیاری بوه‌.
 
وتیشی: ته‌رمه‌كه‌ى هێنراوه‌ته‌ به‌شى پزیشكی دادوه‌رى و پاش ته‌واوبونى رێكاره‌كان راده‌ستى خێزانه‌كه‌ى ده‌كرێت.
 
 
 


ئەرشیفی نەوژین | دەربارە | پەیوەندی
Newjin.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 621,115     ژمارەی میوان 37