* نەوژین
كۆتایى به ركابه‌رییه‌كانى ساڵی (٢٠٢١) پاڵه‌وانێتیی پایسكیلسوارى عیراق هات و كچانى یانه‌ى نەورۆز لەسەر ئاستی تاک و گشتی بونە پاڵەوان بەمەش بۆ چواردەیەم جار ناسناوەکەیان بردەوە.
كچانی یانه‌ی وه‌رزشی نه‌ورۆز، له‌سه‌ر ئاستی كچان پله‌ی یه‌كه‌می پاڵه‌وانێتی خولی پاسكیلسواری یانه‌كانی عێراقی به‌ده‌ستهێنا، کە تێدا (٤٠) كیلۆمه‌تریان له شاری كه‌ربه‌لا بڕی به به‌ژداری هەشت یانەی عێراقی.
هه‌ریه‌كه له یاریزانان سۆزى دڵشاد، مژده مه‌حمود و زه‌هرا محەمەد، پله‌كانى یه‌كه‌م تا سێیه‌مى تاكیان ده‌سته‌به‌رکرد و یانەی نەورۆزیش بوە پاڵەوانی رکابەریەکانی ساڵی (٢٠٢١) بەوەش بو بە چواردەیەمین ناسناو کە بەدەستی هێناوە.