خانمە گۆرانیبێژی کورد 'ئاینور دۆغان' خەڵاتی باشترین گۆرانیبێژی جیهانی پێبەخشرا

2021/08/29    504 جار بینراوە
 
* نەوژین
 
 خانمە گۆرانیبێژ و موزیسیانی کورد ئاینور دۆغان، بە یه‌كێك له‌ باشترین گۆرانی بێژه‌كانی جیهان بۆ ساڵی ٢٠٢١ هه‌ڵبژێردرا.
 
پێشانگەی میوزیکیی جیهانی"وۆمێکس" کە پرۆژەیەکی نێودەوڵەتییە بۆ پشتیوانی و گەشەپێدانی موزیکی گەلان، ساڵانە لە دوایین هەفتەی مانگی ئابدا ئەم خەڵاتە دەبەخشێتە باشترین موزیسیان و گۆرانیبێژ، بۆ ئەمساڵ خەڵاتەکەی بەخشیە خانمە گۆرانیبێژی کورد ئاینور دۆغان. 
 
لە بارەی بەخشینی خەڵاتەکە بە ئاینور، بەڕێوبارانی پرۆژەکە دەڵێن: لەپای هەوڵەکانیەتی بۆ‌ پێشخستنی هونه‌ری گه‌له‌كه‌ی و زیندوهێشتنه‌وه‌ی كولتوری گه‌لی كورد وه‌ك گه‌لێكی دێرینی جیهان.
 
 
لە کاتی وەرگرتنی خەڵاتەکەیدا ئاینور دۆغان، وتی: ”موزیك كلیلی دۆزینه‌وه‌ی کولتوری گه‌لانه‌، به‌ تایبه‌ت کولتوری ئه‌و گه‌لانه‌ی كه‌ هه‌وڵی سڕینه‌وه‌یان ده‌درێت. هونه‌ر و کولتوری جیاواز، به‌ڵگه‌یه‌ له‌سه‌ر ئه‌وه‌ی ئێمه‌ گه‌لی له‌ یه‌كتر جیاوازین، شه‌ره‌فێكی گه‌وره‌یه‌ به‌ نوێنه‌رایه‌تی موزیك و کولتوری گه‌لی کورد  ئه‌و خه‌ڵاته‌ دەبەخشرێ بە من، كه‌ تا ئێسته‌ ئه‌و گه‌له‌ خاوه‌ن قه‌واره‌ی خۆیان نین و ده‌چه‌وسێنرێنه‌وه‌، بۆمن فەخرە كه‌ وه‌ك ژنێك نوێنه‌رایه‌تی گه‌له‌كه‌م دەکەم“.
 
ئاینور دۆغان، ساڵی ١٩٧٥ لە پارێزگای دێرسیمی باکوری کوردستان لەدایکبوە، خاوەنی دەیان گۆڕانیە بە زمانی کوردی.
 


ئەرشیفی نەوژین | دەربارە | پەیوەندی
Newjin.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 628,130     ژمارەی میوان 48