ئاکرێ: پیاوێک هاوسەرەکەی خنکاند

2025/03/18    120 جار بینراوە


* نەوژین

پۆلیسی ئاکرێ دەڵێت: پیاوێک ژنەکەی خنکاندوە و ئێمەش لەدوای روداوەکە بەپێی ماددەی ٤٠٦ لە یاسای سزادانی عێراقی دەستگیرمانکردوە.

کەمێک بەر لە ئێستا پۆلیسی ئاکرێ، راگەیەندراوێکی بڵاوکردەوە، تێیدا دەڵێت: بەیانی ئەمڕۆ سێشممە (١٨ـی ئادار) ئاگادارکراینەوە لە روداوکێ کە تێیدا پیاوێک لە کەمپی ماملیان ژنەکەی خۆی خنکاندوە و بەهۆیەوە گیانی لەدەستداوە.

ئاشکرایکرد: لەدوای هەواڵەکە رۆشتینە سەر روداوەکە و بەهاوکاری تیمی لێکۆڵینەوە و بەڵگەی تاوان، توانیمان تۆمەتبار دەستگیربکەین و لە ئێستا بە بڕیاری دادوەر و بەپێی ماددەی ٤٠٦ لە یاسای سزادانی عێراقی کە تایبەتە بە کوشتنی بە ئەنقەست و پلان بۆ داڕێژراو راگیراوە و لێکۆڵینەوەکان لەسەر روداوەکە بەردەوامیان دەبێت.

پۆلیس رونیکردوەتەوە: ژنەکە بەناوی (ل، م، ی) تەمەنی ٢٩ ساڵ بوە و تۆمەتباریش بەناوی (١، ح، ع) تەمەنی ٣٧ ساڵە، بەڵام لەبارەی هۆکاری پشت روداوەکە هیچ رونکردنەوەیەکی بڵاونەکردوەتەوە.
 



Newjin.net - 2025
ژمارەی سەردان 2,419,995     ژمارەی میوان 600

دروستکراوە لەلایەن کۆمپانیای (کۆدتێك)ەوە