سەرۆک وەزیرانی هەرێم: پابەند دەبین بە رەخساندنی دەرفەتی یەکسان بۆ ئافرەتانی کوردستان

2025/03/08    116 جار بینراوە


* نەوژین

بە بۆنەی هەشتی مارس ـەوە، سەرۆک وەزیرانی هەرێمی کوردستان، پەیامێکی بڵاوکردوەتەوە، تێیدا جگە لە پیرۆزبایی دەڵێت: پابەند دەبین بە رەخساندنی دەرفەتی یەکسان بۆ ئافرەتانی کوردستان. 

لە پەیامەکەی مەسرور بارزانی، سەرۆک وەزیرانی هەرێمی کوردستان دا هاتوە: جێی خۆشحاڵییە ئەمڕۆ ئافرەتان لە هەرێمی کوردستان، رۆڵێکی بەرچاو و کارایان لە دامەزراوەکانی هەرێمی کوردستاندا هەیە و پابەندیشین بە زیاتر رەخساندنی دەرفەتی یەکسان لە بەردەم ئافرەتانی کوردستان و بەرزکردنەوەی رێژە و ئاستی بەشدارییان لە بوارە جۆراوجۆرەکانی بەڕێوەبردن، هەروەها روبەڕوبونەوەی هەمو جۆرە توندوتیژی و جیاکارییەک لە دژی ئافرەتان.

دەشڵێت: رێز و پێزانینی زۆریشمان بۆ خەبات و تێکۆشان و رۆڵی دیاری ئافرەتانی کوردستان لە مێژوی گەلی کوردستاندا هەیە، کە هەمیشە نمونەی نیشتمانپەروەری و ئازایەتی و گیانفیدایی و قوربانیدان بون.

٨ـی مارس ـی هەمو ساڵێک لەلایەن نەتەوەیەکگرتوەکانەوە بە رۆژی ژنان دیاریکراوە، تاکو لەم رۆژەدا هانی ژنان بدرێت بوێرانە هەوڵبدەن و شانبەشانی پیاوان کاربکەن بەبێ بیرکردنەوە لە جیاوازی رەگەزی و وەستانەوە دژی زوڵم و توندوتیژی دژ بە ژنان.



Newjin.net - 2025
ژمارەی سەردان 2,422,235     ژمارەی میوان 83

دروستکراوە لەلایەن کۆمپانیای (کۆدتێك)ەوە