* نەوژین
پۆلیسی سلێمانی لەسەر سکاڵای باوکێک تۆمەتبارێک دەستگیردەکات، کە هەڕەشەی بڵاوکردنەوەی وێنەی لە کچەکەی کردوە و لەبەرامبەر دا پارەی وەرگرتوە.
بەڕێوەبەرایەتی پۆلیسی سلێمانی، لە راگەیەندراوێک دا بڵاویکردوەتەوە: لەسەر سکاڵای باوکێک، لەلایەن مەفرەزەكانی نوسینگەی نەهێشتنی تاوانی چەمچەماڵ و بە هاوكاری بنكەی پۆلیسی بازیان، تۆمەتبارێك دەستگیركراوە كە هەڕەشەی بڵاوكردنەوەی وێنەی كەسیی "شخصی" لە کچەکەی كردبو.
دەشڵێت: باوکەکە وتویەتی تۆمەتبار لەبەرامبەر بڵاونەکردنەوەی وێنەکانی کچەکەی داوای هەزار دۆلاری کردوە و کچەکەش پێیداوە.
هەروەک پۆلیس ئاماژەی بەوەشکردوە: لەکاتی دەستگیرکردنی تۆمەتبارەکە کە تەمەنی ١٩ ساڵە، دەستگیراوە بەسەر ئەو بڕە پارەیەی کە لە کچەکە وەریگرتوە، هەروەک لە ئێستادا تۆمەتبار راگیراوە و لێکۆڵینەوە لەگەڵیدا بەردەوامی دەبێت.