* نەوژین
لە کەلار ژنێکی تەمەن ۲۲ ساڵ بەخنکان گیانی لەدەستدا سەرچاوەیەکیش دەڵێت گوماندەکرێت خۆی هەڵواسیبێت.
سەرچاوەیەک لە پۆلیسی گەرمیان بە نەوژینی راگەیاند: ژنەکە دانیشتوی ناحیەی رزگاری سەر بەقەزای کەلارە و لەدایکبوی ۲۰۰۱ـە و لە هاوسەرەکەی جیابوەتەوە و مناڵێکی هەیە.
بەوتەی سەرچاوەکە، روداوەکە ئێوارەی ئەمڕۆ بوە، گومان دەکرێت خۆی بەپەت هەڵواسیبێت.
نەوژین بۆ زانیاری زیاتر پەیوەندی بە وتەبێژی پۆلیسی گەرمیانەوە کرد، بەڵام پەیوەندیەکەی بێوەڵام بو.