* نەوژین
سەرۆک کۆماری عێراق، لە رۆژی جیهانی ژنان بە واژۆکردنی یاسایەک، پیرۆزبای ئەو رۆژەی ئاراستەی ژنانکرد.
بەرەهەم ساڵەح، سەرۆک کۆماری عێراق لە رۆژی ٨ مارس بە فەرمی
یاسای کچان و ژنانی رزگاربوی ئێزیدی و تورکمان و شەبەکی لە پەرلەمانی عێراق واژوکرد.
مەراسیمەکە بە ئامادەبونی سەرۆکی ئەنجومەنی نوێنەرانی عێراق و سەرۆکی ئەنجومەنی باڵای دادوەری و ژمارەیەک لە ژنانی رزگاربوی دەستی داعش بەڕێوە چو.
لە
یاساکەی کچان و ژنانی رزگاربو، ئاماژەبەوەکراوە: (دەبێت موچەیەکی مانگانەیان بۆ دابینبکرێت کە بڕەکەی یەکسان بێت بە دوهێندەی موچەی خانەنیشی لە عێراق، بەمەش هەر کچ و ژنێکی رزگاربو مانگانە بڕی (١٠٠٠٠٠٠) یەک ملیۆن دیناری عێراقی وەردەگرێت، لەگەڵ خانویەک یان پارچەزەویەک کە ئەگەر پارچەزەوی بێت ئەوا لەگەڵیدا قەزی ئەقاریان پێدەدرێت، لە خاڵێکی دیکەشدا هاتوە دەستدەکرێت بە گەڕانەوەیان بۆ خوێندن و هەوڵدان بۆ رەخساندنی دەرفەتی کاربۆیان).