هه‌ولێر: ئه‌و پیاوه‌ى هاوسه‌ره‌كه‌ى "سه‌ربڕى" ده‌ستگیر كرا

2022/04/21    254 جار بینراوە
 
* نه‌وژین
 
ئاسایشی هه‌ولێر رایده‌گه‌یه‌نێت ئه‌و پیاوه‌ى دوانیوه‌ڕۆی ئه‌مڕۆ هه‌ستاوه‌ به‌ كوشتنى هاوسه‌ره‌كه‌ى و واباس ده‌كرا كه‌ سه‌ری بڕیوه‌، ده‌ستگیری كردوه‌.
 
له‌ راگه‌یه‌نراوێكى ئاسایشی هه‌ولێر دا هاتوه‌: "دوانیوەڕۆی ئەمڕۆ تاوانی کوشتنی ژنێک بەناوی (کوێستان پیرۆت خدر) لە گەڕەکی کوردستانی شاری هەولێر رویدا، كه‌ لەلایەن هاوسەرەکەی بە ناوی (أ.ش.ع) لەسەر کێشەی خێزانیی بە چەقۆ کوژراوە".
 
ده‌شڵێت: دوای تێپەڕینی کەمتر لە دو کاتژمێر بەسەر روداوەکەدا تۆمه‌تباره‌كه‌ دەستگیرکراوە و به‌ فەرمانی داوەری لێکۆلینەوە بە ماددەی 406 له‌ یاسای سزادانى عێراقی كه‌ تایبه‌ته‌ به‌ كوشتنى به‌ ئه‌نقه‌ست، راگیراوه‌.
 
پێشتریش چه‌ند سه‌رچاوه‌یه‌كى هه‌واڵ باسیان له‌وه‌كرد كه‌ ژنه‌كه‌ كه‌ دایكی چوار مناڵه‌ و له‌ سیه‌كانى ته‌مه‌نى دایه‌، له‌لایه‌ن هاوسه‌ره‌كه‌یه‌وه‌ به‌ چه‌قۆ سه‌رى بڕدراوه‌.
 
 
لە سەرەتای ئەمساڵەوە تاکو ئێستا 15 ژن لە هەرێمی کوردستان لەلایەن هاوسه‌ر و کەسوکاریانەوە کوژراون.
 
 
 


ئەرشیفی نەوژین | دەربارە | پەیوەندی
Newjin.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 628,086     ژمارەی میوان 41