قەڵادزێ؛ کچێک بە فیشەک گیانی لەدەستدا

2022/04/07    254 جار بینراوە
 
* نەوژین
 
لە گوندێکی سەر بە قەزای قەڵادزێ کچێکی تەمەن ٢٠ ساڵ بە فیشەک گیانی لەدەستدا و بەوتەی کەسوکارەکەی خۆی کوشتوە.
 
بەڕێوەبەرایەتی پۆلیسی ئیدارەی راپەڕین، بڵاویکردەوە: کاتژمێر ١١ـی پێش نیوەڕۆی ئەمڕۆ تەرمی کچێک بەناوی (ک،ح،ح) لەدایکبوی ساڵی ٢٠٠٢، کە دانیشتونی گوندی گردەسپیانی سەربە قەزای قەڵادزێیە، گەیەندراوەتە نەخۆشخانە.
 
رونیشیدەکاتەوە: دوای پشکنین و توێکاری بۆ لاشەکەی دەرکەوتوە شوێنەواری فیشەکێکی دەمانچە بەسەریەوە هەیە و بە وتەی کەسوکارەکەی کچەکەیان خۆی کوشتوە.
 
باس لەوەشدەکات بەمەبەستی دەرخستنی هۆکاری راستەقینەی مردنەکەی تەرمەکی کچەکە بۆ پزیشکی دادی سلێمانی بەڕێکراوە.


ئەرشیفی نەوژین | دەربارە | پەیوەندی
Newjin.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 620,898     ژمارەی میوان 42