* نەوژین
خێزانێک لە هەورامان پێکەوە کاردەکەن کە جوانی کچیان بوە بە فرۆشیاری بەرهەمەکانی باوکە جوتیارەکەی و دایکی کە لەماڵەوە ئەرکی دروستکردنی خواردنەکانی لە ئەستۆگرتوە.
جوان عوسمان، دانیشتوی هەورامانە لە پارێزگای هەڵەبجە، باوکی جوتیارەو دایکیشی ئەرکی دروستکردنی بەرهەمەکانی مرەبا و سۆس و نوقڵ و گەزۆیە، جوانی کچیان بوە بەفرۆشیاری بەرهەمەکانیان و لە فستیڤاڵەکاندا ساخی دەکاتەوە.
جوان، بۆ نەوژین وتی: ماوەی دوساڵە بەشداری فستیڤاڵەکان دەکەم، کە خۆی لە ٨ فستیڤاڵ دەبینێتەوە، لەبەر ئەوەی خێزانەکەم بروایان بە یەکسانی هەیە ئەرکەکانمان دابەشکردوە کە من وەک کچی ماڵەکە ئەرکم فرۆشتنی بەرهەمەکانە، کە سەرجەمیان خۆماڵیە و بەرهەمەی سروشتی باخەکەی خۆمانە.
