کەلار: پیاوێک بە تۆمەتی خنکاندنی ژنەکەی دەستگیرکرا

2021/09/06    486 جار بینراوە

* نەوژین

دوای ئەوەی شەوی رابردو تەرمی ژنێک بە خنکێندراوی گەیەندرایە پزیشکی دادوەری  قەزای کەلار، ئەمڕۆ لەسەر سکاڵای دایک و باوکی ژنەکە هاوسەرەکەی دەستگیرکرا.

ئەیوب حسێن بەڕێوبەری نوسینگەی بەرەنگاربونەوەی توندوتیژی دژ بە خێزان و ئافرەتان لە قەزای کەلاری ئیدارەی گەرمیان، بە نەوژینی رایگەیاند: روداوەکە شەوی رابردو بوە، تا ئێستا ئەنجامی پشکنینی پزیشکی دادوەری دەرنەچوە، کە ئایا خنکێندراوە یان خۆی خنکاندوە، بەڵام لەسەر سکڵای دایک و باوکی ژنەکە، هاوسەرەکەی بە پێی مادەی ٤٠٦ دەستگیرکراوە.

وتیشی: قوربانیەکە ناوی بەیدا ئیبراهیم، و لە دایک بوی ساڵی (١٩٨٦)ە.

بە پێی زانیاریەکانیش هۆکاری سکاڵای خێزانەکەی بۆ ئەوە دەگەڕێتەوە گومانیان لە خنکانی کچەکەیان هەیەو هاوسەری کچەکەیان بە تۆمەتبار دەزانن.



ئەرشیفی نەوژین | دەربارە | پەیوەندی
Newjin.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 244,275     ژمارەی میوان 10