ژنە ئەندامێکی گۆڕان وەک راوێژکار لە وەزارەتێکی حکومەت دەستبەکاربو

2021/06/09    230 جار بینراوە
 
* نەوژین
 
بزوتنەوەی گۆڕان پۆستێکی نوێی لە حکومەت وەک راوێژکار لە وەزارەتی ئاوەدانکردنەوەو نیشتەجێکردن وەرگرت، حزبەکەش ژنێکی بۆ ئەو پۆستە دەستنیشانکرد.
 
 
ئەمڕۆ لە رێوڕەسمێکدا سۆز نوری چەلەبی، لەسەر پشكی بزوتنەوەی گۆڕان، وەك راوێژكارو سەرپەرشتیاری تاقیگەكان لەوەزارەتی ئاوەدانكردنەوە دەستبەكاربو.
 
 
دانا عەبدولكەریم، وەزیری ئاوەدانكردنەوەو نیشتەجێكردن لە حکومەتی هەرێم  كە سەربە بزوتنەوەی گۆڕانە، پیرۆزبای خۆی ئاڕاستەی راوێژکاری نوێکردو وتی: دەمانەوێت بە یەک تیمی کارکردن ببینە ھەوێنی سەرکەوتنەکانی وەزارەتی ئاوەدانکردنەوە، کە ئامانج لێی خزمەتکردنی ھاوڵاتیان و گەیاندنی خزمەتگوزارییەکان بەسەرجەم شارو شارۆچکەکانی هەرێمی کوردستان“
 
 
سۆز چەلەبی، لە هەڵبژاردنی پێشوی ئەنجومەنی پارێزگاکان کاندیدی لیستی گۆڕان بو بۆ ئەنجومەنی پارێزگای سلێمانی. 
 
 
مەراسیمی دەستبەکاربونی سۆز نوری چەلەبی وەک راوێژکار لە وەزارەتی ئاوەدانکردنەوە و نیشتەجێبون وێنە: وەزارەتی ناوبراو
 
 


ئەرشیفی نەوژین | دەربارە | پەیوەندی
Newjin.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 144,125     ژمارەی میوان 20