* کانی سالار
کچێکی جوان و سەنگین لە زانکۆ هاتە رێگام و چەن پارچە کاغەزێکی تایپ کراوی پێ بو
-وتی ببورە نەمزانی تۆ مامۆستای لێرە
-پێم وت کە زۆر ئاساییە و فەرمو بزانم ئەم کاغەزانە چین دابەشیان ئەکەیت، بەڵکو منیش سودمەندبم
لە کاغەزەکە نوسرابو کە ئامادەم بۆ تایپ کردنی سیمینار و توێژینەوە و راپۆرت
منیش دەست خۆشیم لێ کرد و وتم دانەمەزراویت؟
- وتی دەرچوی بەشی٠٠٠٠٠٠٠٠٠ هەرچوار ساڵ یەکەم بوم لە کۆلێج
- پێم وت راستە ئێستا دامەزراندنی حکومی نیە، بەڵام ئەم پسپۆریەی تۆ زۆر گرنگە و لە ئێستایا ئۆفەری زۆر باش هەیە لە شوێنە ناحکومیەکان.
- بەداخێکەوە وتی: ماڵەوەمان رازی نیین لە بوارەکەی خۆم کاربکەم!
بە زۆری خۆم ئەم بەشەم تەواو کرد
چونکە خەونی مناڵیم بوو!
بڕوام پێ بکەن دڵم پڕبو
ئەوە مافی ژنان و ئافرەتانە
کە زۆرجار گوێبیست ئەبم
ئیتر چیمان ئەوێت، یان چیتان ئەوێت دونیاتان خوارد!
وا چارەکە سەدەیەکی تریشمان بەڕێکرد، هێشتا خەونێکی سادەی هەڵبژاردنی پسپۆری و کار و پیشە، لە دەسەڵاتی خۆمان دا نیە!
هێشتا خەونەکانمان لە گۆڕ ئەنێن، تواناکانمان لە ناو ئەبەن
دڵنیام هەر ئەو خێزانە
ئامادەبون بە پارە کۆلێج بە کوڕەکەیان تەواو بکەن و هەوڵی بۆ بدەن تا دوای حەزەکانی بکەوێت.
کچەکان زۆر بە توانان، تکایە ڕێگر مەبن
هەر ئەوەش فۆبیای ئەقڵیەتی پیاو سالاری ـیە
کە کچ و ژنەکان دەسەڵات و فرسەتیان هەبێ
توانا و خۆڕاگری و داهێنانەکانیان هیچ سنورێک ناناسێت.
