* نەوژین

لەسەر دۆسییەی خۆسوتاندنی ژنێک لە سلێمانی، هاوسەرەکەی دەستبەسەر دەکرێت و دواتر ئازاد دەکرێت.

بەرەبەیانی رۆژی ١٤ـی ئابی ٢٠٢٦، ژنێک بەناوی جوان تاهیر شەریف، بەهۆی زۆری رێژەی سوتاوی لە شاری سلێمانی گیانی لەدەستدا.

بەپێی زانیارییەکان، ژنەکە کە خاوەنی هاوسەر و مناڵە، لەماڵی خوشکەکەیدا رۆژی پێشتر خۆی سوتاندبو.

لەبارەی وردەکاریی روداوەکەوە، سەرچاوەیەکی ئاگادار بە نەوژینی راگەیاند: لەسەر روداوەکە دادوەر وەکو رێکاری یاسایی هاوسەرەکەی کە بەڕێوبەری گشتییە لە وەزارەتی خوێندنی باڵا، دەستگیر کردوە؛ بەڵام دوێنێ ئازادی کردوە.

وتیشی: کەسوکاری ژنەکە سکاڵایان لەسەر هاوسەرەکەی نەبوە.