* نەوژین
لە یادی هەشتی مارسدا سەرۆکی حکومەتی هەرێم رایگەیاند: وەک حکومەت پابەندبونی خۆمان بە روبەڕوبونەوەی هەر جیاکارییەکی رەگەزی و پەراوێزخستنی رۆڵی ئافرەتان، دوپات دەکەینەوە.
مەسرور بەرزانی سەرۆکی حکومەتی هەرێمی کوردستان، لە رۆژی جیهانی ژنان بەیانامەیەکی بڵاوکردەوە پیرۆزبایی خۆی ئارستەی ژنانی کوردستان کرد وتی: بە پێزانینەوە لە خەبات و تێکۆشانی ئافرەتانی کوردستان دەڕوانین لە پێناو یەکسانیی و دادپەروەری کۆمەڵایەتیدا، بەشداریی ئافرەتانی کوردستان، لە روبەڕوبونەوەی ستەم و داگیرکاریدا مایەی شانازییە، هەمیشە نمونەی قوربانیدان و خۆڕاگری و داکۆکیکردن.
لە بەشێکی دیکەی راگەیاندراوەکەیدا سەرۆکی حکومەت دەڵێت: پشتیوانیی لە رۆڵی کارا و شایستەی ئافرەتانی کوردستان دەکەین لە بوارە جیاکانی کۆمەڵگە و دامەزراوەکانی حکومەتدا، لە چوارچێوەی داکۆکیکردنمان لە مافەکانی مرۆڤ بە گشتی و مافەکانی ئافرەتان بە تایبەتی، بە ئاراستەی بنبڕکردنی توندوتیژی و چەسپاندنی بنەماکانی یەکسانیی و لێبوردەیی لە ناو خێزان و کۆمەڵگەدا.