سه‌رۆكایەتی لیژنه‌ هاوبه‌شه‌كانی قایمقامیه‌تی هه‌ڵه‌بجه‌ بە ژنێک سپێردرایەوە

2022/08/02    87 جار بینراوە
 
* نەوژین
 
سەرۆکی لیژنه‌ هاوبه‌شه‌كانی قایمقامیه‌تی هه‌ڵه‌بجه‌ گۆڕدرا و دوبارە بە ژنێک سپێردرایەوە.
 
دوای نزیکەی دو ساڵ لە کارکردن وەکو  سه‌رۆكی لیژنه‌ هاوبه‌شه‌كانی قایمقامیه‌تی هه‌ڵه‌بجه، دوێنێ 'دینا ئەحمەد' کۆتایی بەکارەکانی هێنا و لە جێگەی دا 'دڵنیا فاروق' وەک سەرۆکی لیژنەکە دیاری کرا.
 
لە راگەیاندراوێکدا لیژنە هاوبەشەکانی قایمقامیەتی هەڵەبجەدا هاتوە: دینا ئەحمەد، سەرۆکی پێشوی لیژنەکە، هەمیشە ئاواتەخوازی  پێشخستنی پیشەوەران وخاوەنکارەکان بوە لە کارەکانیاندا، بەڵام هاوکات بێبەزەیی بو بۆ کەسانێک تەنها بیریان لە لایەنی ئابوری خۆیان دەکردەوە و تەندروستی هاوڵاتیانیان وەلادەنا.
 
لەبارەی سەرۆکی نوێی لیژنەکەوە دەڵێت: دینا فاروق، لەماوەکانی پێشودا وەک ئەندام لە لیژنە هاوبەشەکان سەلماندویەتی کەسێکی بوێر و دڵسۆزە لەکارەکەیدا و هەمیشە جێی شانازیە بۆ ئێمە.
 
لیژنە هاوبەشەکانی قایمقامیەتی هەڵەبجە، پێکدێن لە لیژنەکانی: (نێوبازاڕ، مۆلیدات، سوتەمەنی و ئارایشتگا) و سەرپەرشتیاری گشتی لیژنەکانی  ناحیەکان.


ئەرشیفی نەوژین | دەربارە | پەیوەندی
Newjin.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 628,235     ژمارەی میوان 42