* نەوژین
لە کۆبونەوەی ئەمرۆی ئەنجومەنی وەزیران باس لە زیادبونی رێژەی توندوتیژی دژی ژنان کرا و بڕیار درا کۆبونەوەیەکی تایبەت بەم پرسە ئەنجام بدەن.
مەسرور بارزانی، سەرۆکی حکومەتی هەرێم، لە راگەیەنراوێکدا لە پەڕەی خۆی لە فەیسبوک بڵاویکردەوە: ئەمرۆ چوارشەمە ئەنجومەنی وەزیرانی هەرێمی کوردستان کۆبوەوە، لە بەشێکی کۆبونەوەکەدا قوباد تاڵەبانی جێگری سەرۆکی حکومەتی هەرێم لەبارەی زیادبونی رێژەی توندوتیژی دژی ژنان لە هەرێمی کوردستان قسەی کرد، وتی: بەداخەوە دیاردەی توندوتیژی دژی ژنان لەهەڵکشاندایە، پێویستە كار لە‌سە‌ر نە‌ھێشتنی ئەو بیر و فیكرە توندڕە‌وە بكرێت، بۆ ئەو مە‌بە‌ستە هەڵمەتێک ئەنجامبدرێت لە‌پێناوی بنەبڕکردنی.
ئاشکراشی کردوە: بۆ ئەم مەبەستەش ئەنجومەنی وەزیران بریاریدا کۆبونەوەیەکی تایبەت بەم پرسە ئەنجامبدات بەمەبەستی رێکخستنی و دەستپێکردنی ئەو هەڵمەتە.