* نەوژین
بەهۆی زیادبونى حاڵهتهكانى کوشتن و خۆکوشتنی ژنانهوه، ژنە نوسەرێک داوادەکات حکومەتی هەرێم باری کتوپڕی "طوارئ" رابگەیەنێت.
رۆژی پێنجشەمە (21ـى نیسان) ژنێکی تەمەن 35 ساڵ لە شاری هەولێر لەماڵی خۆیاندا لەلایەن هاوسەرەکەیەوە به چهقۆ كوژرا و وا بڵاوكرایهوه كه "سهربڕاوه"، هاوکات ههمان رۆژ كچه فێرخوازێكى تهمهن 21 ساڵى پهیمانگا، له باڵهخانهیهكى شاری ههولێر خۆی ههڵدایه خوارهوه و گیانى لهدهستدا. هەر لە هەمان رۆژدا تەرمی کچێکی تەمەن 20 ساڵ لە كهمپی "دهركارێ"ـی تایبهت به ئاوارهكانی شەنگال لە قەزای زاخۆ، بە هەڵواسراوی لە ژورەکەی خۆیدا دۆزرایەوە.
دەربارەی ئەم کوشتن و خۆکوشتنانەی ژنان و کچانی هەرێمی کوردستان، چۆمان هەردی، نوسەر و بەرێوبەری سەنتەری جێندەر لە زانکۆی ئەمریکی له سلێمانى، لە پەرەی تایبەتی خۆی لە تۆڕی کۆمەڵایەتی فەیسبوک نوسیویەتی: "سڵاو لە حکومەتی خەوتو کە ژن بە هاوڵاتی نازانێت و نایپارێزێت".
دهشڵێت: دەبوایە لەدوای ئەم روداوانەوە حکومەت باری کتوپڕی راگەیاندبایه.
لەسەرەتای ئەمساڵەوە تاکو ئێستا لە هەرێمی کوردستان، 8 ژن خۆیان کوشتوە و 15 ژنیش لەلایەن هاوسەر و کەسوکاریانەوە کوژراون.