*نەوژین
پرسی یەکسانی جێندەری دەبێتە گفتوگۆی کۆبونەوەی نێوان ئەمیداری ئەنجومەنی باڵای خانمان و بریکاری وەزارەتی داد.
لە کۆبونەوەیی هەریەکە لە د. خانزاد ئه‌حمه‌د ئه‌مینداری گشتی ئه‌نجومه‌نی باڵای كاروباری خانمان و شیلان عارف بریکاری وەزارەتی داد، بە پێی راگەیاندراوەکانیان گفتۆگۆیان لە بارەی هەماهەنگی و پێکەوە کارکردنی دامەزراوەکانی حکومەتی هەرێم کردوە لەنێوانیشیاندا گەیشتن بە یەکسانی جێندەری لە ئاستی دامەزراوەکاندا.
لەگەڵ ئەوەشدا پرسی پتەوکردنی هەماهەنگی لە نێوان ئەنجومەنی باڵای کاروباری خانمان و وەزارەتی داد، کە یەکێکە لە وەزارەتە ئەندامەکانی ئەنجومەن، تاوتوێکراوە، ئەمە لە کاتێکدایە پرسی توندوتیژی و تاوانەکانی کوشتنی ژنان تێیدا دادگاکان بە کەمتەرخەم دەزانرێت لە ئاست ئەو تاوانانەو لە ماوەی رابردو چەند جارێک رێکخراو چالاکوانانی ژن یاداشتیان ئاڕاستەی وەزارەتی داد کردوە بۆ ئەو پرسە.