بکوژرانی ئەو ژنەی لە سلێمانی سوتێنرا دەستگیرکران

2021/06/17    1345 جار بینراوە
 
* نەوژین
 
سێ کەس بە تۆمەتی کوشتنی 'بژوێن عوسمان' ئەو ژنەی لە سلێمانی دوای کوژرانی سوتێنرا دەستگیرکران و دانیان بە تاوانەکەیاندا ناوە.
 
بەڕێوبەرایەتی ئاسایشی پارێزگای سلێمانی رایدەگەیەنێت: دوای ئەوەی لەڕۆژی ٢٠٢١/٦/١٠ئاگادار کرانەوە بەبونی تەرمێکی سوتێنراو لەنزیک گوندی عەزیزاوا ، پاش ئەوەی هێزەکانمان چونە شوێنی روداوەکە ، بەفەرمانی دادوەر دەستبەجێ دەستکرا بەلێکۆڵینەوە و بەدواداچون ، توانرا چەند سەرەداوێک بدۆزرێتەوە ، لەئەنجامی لێکۆڵینەوە لاشە سوتێنراوەکە ناسرایەوە کەژنێکە بەناوی ( ب  ع  ح ) لەدایکبوی ساڵی ( ١٩٩٠ )".
 
 
ئاسایشی سلێمانی ئاماژەی بەوەشکردوە: لەڕۆژی ١٥و١٦ ی ٢٠٢١ تۆمەتباران سەرجەمیان لەلایەن بەڕێوەبەرایەتی ئاسایشی سلێمانیەوه دەستگیرکران  بەناوەکانی ( پ ع ح ) ،  (م ع ح )،  ( ب ج ج ) ، تۆمەتباران دانیاننا بەوەدا کە لەڕۆژی ٢٠٢١/٦/١٠  تۆمەتباری سەرەکی تاوانەکە لەسەر کێشەیەکی کومەڵایەتی هەستاوە بەبردنی تاوانلێکراو بە ئۆتومبێل و بردنی بۆ دەرەوەی شار 
 
 
هەر بە گوێرەی راگەیاندراوەکەی ئاسایش لەکاتی سەرخستنی لە ناو ئۆتومبێلەکەدا ژنەکە بەرەنگاری بکوژەکەی بوەتەوەو بەوهۆیەوە دەستبەجێ  لەلایەن تاوانبارەکەوە بەسێ فیشەک کوژراوە ، دواتر بردویەتی لە چۆڵەوانییەکی نزیک گوندی عەزیزاوا سوتاندویەتی.
 
ئەمە لە کاتێکدایە لە ئەنجامدانی ئەم تاوانەدا دو تۆمەتبارەکەی تر بەتۆمەتی پێدانی چەک و هاوکاریکردن لە ئەنجامدانی تاوانەکەدا ، بەپێی ماددەی (406 ) لەیاسای سزادانی عێراقی راگیراون  لێکۆڵینەوەش لە کەیسەکە بەردەوامه .
 
 


Newjin.net - 2024
ژمارەی سەردان 1,305,163     ژمارەی میوان 62

دروستکراوە لەلایەن کۆمپانیای (کۆدتێك)ەوە